Сьвяткаваньне Дню Волі 2016!

April 5, 2016 Навіны

3 красавіка ў Грамадскай Залі Сабору Сьв. Кірылы Тураўскага беларусы Нью-Ёрку адсьвяткавалі 98-ыя ўгодкі абвешчаньня незалежнасьці і вольнасьці БНР.

Сьвяткаваньне ладзілася сумесна Бруклінскім аддзелам БАЗА, Аддзелам БАЗА ў Нью Джэрзі; таксама прысутнічалі госьці з Беларуска-Амэрыканскага Згуртаваньня “Пагоня”. Сьвяточная імпрэза ўключала гісторычную частку, якая асабліва спадабалася прысутным невялічкай пастаноўкай, прысьвечанай Першаму Ўсебеларускаму З’езду, якую ладзіла моладзь Бруклінскага Адзелу. Сяргей Касьцюк і Сяргей Кіяткін сыгралі герояў раману “Пляц Волі” А. Пашкевіча – Алеся Гаруна і Алеся Бусла адпаведна.

Шмат эмацыйных прамоваў-віншаваньняў прагучала ад ганаровых гасьцей, але найбольш усіх уразіў запрошаны госьць з Беларусі, Уладзімір Някляеў, які натхнёна прачытаў кампіляцыю сваіх першаў, прысьвечаных 25-му Сакавіка.

Сярод ганаровых гасьцей, якія выступілі з віншавальнымі прамовамі, былі Зянон Пазьняк, Вітаўт Кіпель, Янка Запруднік, а таксама Іванка Заяц, намесьнік старшыні Украінскага Кангрэсавага Камітэту Амэрыкі.

Канцэртную частку правёў знакаміты беларускі ансамбль у складзе Валянціны Пархоменка, Алеся Казака і Вольгі Казак-Анлар.

12924541_992064587543215_3081272845546345544_n 12938188_992064584209882_1781333671778952457_n12938188_992064584209882_1781333671778952457_n 12924330_992064477543226_538658488732915782_n12924330_992064477543226_538658488732915782_n

Related Articles

Аб'явы

Запрашаем на сустрэчу з Уладзімірам Някляевым

February 22, 2020

Шаноўнае спадарства! Запрашаем вас на сустрэчу з паэтам, празаікам, грамадска-палітычным дзеячам Уладзімірам Някляевым. Сустрэча адбудзецца 1 сакавіка 2020 года ў 12:30 гадзін апоўдні ў беларускім цэнтры пры саборы Сьв. Кірылы Тураўскага ў Брукліне па адрасе 401 …

#freesavchenko
Аб'явы

Заклікаем далучыцца да акцыі ў падтрымку Надзеі Саўчанка

March 9, 2016

СЯБРЫ! Бруклінскі аддзел БАЗА заклікае ўсіх беларусаў далучыцца да акцыі, якую арганізуе Украінскі кангрэс Амерыкі, ў падтрымку Надзеі Саўчанка! КАЛІ: заўтра (03/09/2016) а 5 гадзіне вечара. ДЗЕ: Columbus Circle 59th St, New York, New York …

Аб'явы

27 угодкі Аднаўленьня Незалежнасьці Рэспублікі Беларусь

August 25, 2018

Дарагія суродзічы!   Віншуем вас і нашую Бацькаўшчыну з Днём Аднаўленьня Незалежнасьці!    25 жніўня 1991 года Дэклярацыі Незалежнасьці Беларусі быў нададзены статус канстытуцыйнага закону – Беларусь нарэшце зноў стала незалежнай краінай.  Зычым усім беларусам і нашай любімай Бацькаўшчыне праўдзівай свабоды. Будзе свабода – будзе адказнасьць, тады і багацьце, і шчасьце, усе прыкладзецца.    Запрашаем вас на імпрэзу прысьвечаную 27 угодкам Аднаўленьня Незалежнасьці Беларусі, якая адбудзецца ў нядзелю 26 жніўня 2018 года ў 12 гадзін апоўдні ў беларускім цэнтры пры са боры Сьв. Кірылы Тураўскага па адрасе 401 Atlantic Ave, Brooklyn, NY, 11217. Вашай увазе будзе прапанаваны даклад Зянона Пазьняка пра падзеі жніўня 1991 года, а таксама дэманстрацыя фільму Радыё Свабода “Незалежнасьць”.   Чакаем вас!  Да сустрэчы!  Жыве Беларусь!