Шаноўныя сябры! Запрашаем вас на Калядную Ялінку, якая пройдзе 4 студзеня 2025 года ў 12:00 апоўдні ў беларускім цэнтры пры саборы Сьв. Кірылы Тураўскага па адрасе 401 Atlantic Ave., Brooklyn, 11217.
Акунуцца ў свята і адчуць сапраўдны дух Калядаў нам дапаможа галоўны калядоўшчык Беларусі Сяржук Доўгушаў!
Усіх гасьцей чакае:
• Удзел у традыцыйным калядным абрадзе з Зоркай, Мядзведзем, Жоравам і Казлом (у гэтым годзе мы будзем праводзіць абрад з Казлом, а не з Казой!);
• Музычны выступ Сержука з каляднымі песнямі пад колавую ліру і беларускія дудкі.
• Святочны стол і супольныя бяседныя спевы;
• Зімовыя гульні, танцы, карагоды, сюрпрызы і розыгрышы;
• Конкурс на лепшую Калядную Зорку;
…і яшчэ шмат цікавага.
Па традыцыі дзеткі могуць падрыхтаваць верш, танец ці песьню для калядаваньня.
Бацькі, зрабіце незабыўнае сьвята дзеля сваіх дзетак!
Сьвяткуйма Каляды разам!
Дзеткам уваход вольны, дарослым пажаданы ўнёсак – 30 даляраў за асобу (калі адзін дарослы суправаджае дзяцей), ці 50 даляраў – за ўсю сям’ю.
Імпрэза падрыхтавана пры падтрымцы Нью-Ёркскага аддзела БАЗА і Парафіяльнай Рады сабору Сьв. Кірылы Тураўскага.
