Навіны

Віншаваньне з Днём Волі 2021 года ад старшыні Галоўнай управы БАЗА

March 25, 2021

Шаноўныя сябры Беларуска-Амэрыканскага Задзіночаньня!  Віншую вас з Днём Волі!  Усе беларусы незалежна ад таго, дзе яны знаходзяцца, адчуваюць, што адбыўся глыбінны зрух унутры нашага народа. Мы незваротна рухаемся наперад, да пераменаў і сапраўдны Дзень Волі ўжо зусім блізка.  Дык захавайма нашу вернасьць ідэалам 25 сакавіка і шчыра працуйма на ніве беларушчыны, каб наблізіць перамогу беларускага народа над дыктатурай!  Няхай сьвята 25 сакавіка, беларускі нацыянальны Вялікдзень, прынясе нам ня толькі надзею, але і цьвердую упэўненасьць у лепшую вольную будучыню нашай Бацькаўшчыны!  Дзякуй вам, сябры, за ваш унёсак у працу Беларуска-Амэрыканскага Задзіночаньня і агулам у беларускую справу!  Жыве Беларусь!  Натальля Федарэнка  Старшыня Галоўнай управы  Беларуска-Амэрыканскага Задзіночаньня  Нью-Ёрк  Сакавік 2021 

Навіны

Адсьвяткуйма Дзень Волі – 2021 разам!

March 19, 2021

Шаноўныя сябры!  Набліжаецца галоўнае сьвята беларусаў – Дзень Волі!  Запрашаем вас далучыцца да сьвяткаваньня Дня Волі, якое адбудзецца 27 сакавіка 2021 года ў Саўт Рыверы, Нью Джэрсі па адрасе 284 Whitehead Ave, South River, NJ 08882-1300. Пачатак у 2:00 апоўдні. Праграма сьвяткаваньня будзе складацца з дзвух частак. Першая  частка – пройдзе ў залі беларускага цэнтру ў Саўт Рыверы,  падчас якой госьці будуць мець магчымасьць прыняць удзел у літаратурных чытаньнях і віктарыне, а таксама атрымаць асалоду ад прыслухоўваньня беларускіх музычных шэдэўраў.  Пасьля аканчэньня першай часткі сьвяткаваньне перанясецца на сьвежае паветра і працягнеццца ў форме барбекю. Цэнтр у Саўт Рыверы мае неабходнае абсталяваньне для актыўнага адпачынку.  Вы можаце ўзяць з сабой ежу, якую вы захочаце.  Калі ласка, не забывайцеся, што падчас правядзеньня імпрэзы ў залі неабходна насіць маску на твары. У …

Навіны

Support the Belarusian People Rally. UN General Assembly

September 19, 2020

Паважаныя сябры! 15 верасьня 2020 года, у Нью Ёрку была адчынена 75-ая Генеральная Асамблея Арганізацыі Абьеднаных Нацый.Асамблея будзе цягнуцца 2 тыдні і абмеркаваньне сітуацыі ў Беларусі будзе адным з істотных пытаньняў. Так Рада ААН у …

Навіны

Зварот Беларуска-Амэрыканскага Задзіночаньня да беларусаў на Бацькаўшчыне

August 16, 2020

9 жніўня ўноч беларускі сьвет ускалыхнуўся. Дыктатарская ўлада чарговы раз паказала свой сапраўдны твар і пачала разлютавана рваць цела беларускага народа, які не стаў больш цярпець глум над яго воляй. Наступныя дні беларусы па ўсёй зямлі адчувалі …

Навіны

Параду- быть! Антигуманный вердикт А. Г. Лукашенко.

May 8, 2020

Сегодня своё окончательное решение по поводу проведения парада в честь дня победы обьявил А.Г. Лукашенко, президент Республики Беларусь: «Мы не можем отменить парад. Просто не можем. Это эмоциональная вещь. Это глубоко идеологическая вещь» (источник onliner.by). Это …

Навіны

Census 2020

March 29, 2020

Дарагiя суродзiчы Беларусы, дарагiя сябры!  1 красавіка ў ЗША пачаўся Перапiс нальніцтва (Census 2020). Згодна з Канстытуцыяй, перапіс праводзіцца кожныя 10 гадоў, пачынаючы з 1790 года. Вынікі перапісу выкарыстоўваюцца дзеля вызначэньня колькасьці прадстаўнікоў ад кожнага штата ў Кангрэсе ЗША, межаў выбарчых акругаў і таго, як будуць кожны год размяркоўвацца звыш 675 млрд. даляраў федэральных сродкаў на патрэбы мясцовых супольнасьцяў.  Кожны год мільярды даляраў з фэдэральнага бюджэту накіроўваюцца на фінансаваньне бальніц, пажарных частак, школ, дарог ды іншых рэсурсаў з улікам дадзеных перапісу насельніцтва.  Удзел у перапісу –  Ваш грамадзянскі абавязак. Запаўненьне анкеты перапісу – гэта спосаб прыняць удзел у дэмакратычным працэсе ў ЗША й адчуць сваю значнасьць для краіны.  Па перапісу насельніцтва 2010 года колькасьць беларускiх амэрыканцаў была значна недаацэненая. Гэта азначае, што нашая супольнасьць была недастаткова прадстаўленая ў Кангрэсе й ня мела дастатковага доступу да дзяржаўных рэсурсаў цягам апошніх дзесяці гадоў.  Зараз самы час падлічыць наш голас. Дзесяць хвілінаў Вашага часу, затрачаных на запаўненьне анкеты перапісу, паўплывае на прадстаўленасьць беларуска-амэрыканскай супольнасьцi падчас вырашэньня важных пытаньняў цягам наступных дзесяці гадоў.  Запоўніць анкету можна анлайн. Для гэтага неабходна перайсьці на сайт https://my2020census.gov/ . Калi ласка, адказваючы на пытаньне 9 у анкеце, напiшыце BELARUSIAN.  Вашыя адказы абароненыя фэдэральным законам i з’яўляюцца канфідэнцыйнымi. Яны могуць выкарыстоўвацца толькі дзеля фармаваньня статыстыкі і не могуць выкарыстоўвацца супраць Вас дзяржаўнымі або судовымі органамі.   Мы разлічваем на Вас!   Беларуска-Амэрыканскае Задзiночаньне (БАЗА) 

1 2 3 … 13