Паважаныя сябры! Віншуем вас з надыходзячым Сьвятам 25 жніўня, Днём Аднаўленьня Незалежнасьці Беларусі.
Запрашаем вас адзначыць сьвята разам 25 жніўня ў 12 гадзін апоўдні ў Грамадскай залі Сабору Сьв. Кірылы Тураўскага па адрасе 401 Atlantic Ave, Brooklyn, NY 11217.
Вашай увазе будзе прапанавана сьвяточная праграма з віншаваньнямі, дакладам і успамінамі ўдзельнікаў легендарнага паседжаньня Вярхоўнага Савету БССР.
Прыходзьце, каб адзначыць гэтае сьвята ў коле беларусаў!
Для ўсіх гасьцей будуць даступныя кава, гарбата з пачастункам.
Да сустрэчы!
Управа Нью-Ёркскага аддзела БАЗА
Парафіяльная Рада сабору Сьв. Кірылы Тураўскага
