У гэту нядзелю 25 кастрычніка 2015г. беларуская дыяспара ў Амерыцы сьвяткуе 65-годдзе газэты “Беларус” – аднаго са старэйшых і нешматлікіх выданьняў менавіта газэтнага фармату ў беларускім замежжы! Адметнасьць газэты ў тым, што яна ня толькі асьвятляе жыцьцё і дзейнасьць беларусаў за межамі Бацькаўшчыны , але таксама вядзе агляд навін у Беларусі на бягучы момант і прапануе шэраг матэрыялаў нацыянальна-асьветніцкага характару.
Газэта “Беларус” існуе намаганьнямі невялікага кола рупліўцаў, якія бязвыплатна робяць вялікую і працаёмкую работу. На жаль сёньня папяровыя выданьні губляюць сваю папулярнасьць перад электроннымі, але апошнія існуюць у віртуальнай прасторы, тым істотней захаваць папяровы друк , як культурную спадчыну дзеля нашчадкаў.
Не будзем супраць калі прыдзеце на сьвята з падарункамі.
Таксама будзем радыя выслухаць вашыя прапановы, думкі, заўвагі наконт далейшай працы Рэдакцыі і падтрымкі нашай- вашай газэты.
Прыходзьма і будзьма актыўнымі ўдзельнікамі найноўшай гісторыі Беларусі!
Паважаныя сябры! Запрашаем вас на сустрэчу з беларуска-польскім гісторыкам, выкладчыкам Варшаўскага універсітэту,Юрыем Грыбоўскім. Спадар Юры спецыялізуецца ў вайсковай гісторыі Беларусі і Польшчы XX стагоддзя, у прыватнасьці – удзелам беларусаў у польскай арміі генэрала Ўладыслава Андэрса. …
18 чэрвеня ў грамадскай зале сабору БАПЦ прайшло абмеркаванне “Народнай праграмы “Вольная Беларусь”. Напісаная ў выглядзе праекта канстытуцыі, праграма, па словах Зянона Пазьняка, можа быць выкарыстаная любой нацыянальнай сілай, якая дбае пра будучыню Беларусі. Зянон …
Дарагія суродзічы! Віншуем вас і нашую Бацькаўшчыну з Днём Аднаўленьня Незалежнасьці! 25 жніўня 1991 года Дэклярацыі Незалежнасьці Беларусі быў нададзены статус канстытуцыйнага закону – Беларусь нарэшце зноў стала незалежнай краінай. Зычым усім беларусам і нашай любімай Бацькаўшчыне праўдзівай свабоды. Будзе свабода – будзе адказнасьць, тады і багацьце, і шчасьце, усе прыкладзецца. Запрашаем вас на імпрэзу прысьвечаную 27 угодкам Аднаўленьня Незалежнасьці Беларусі, якая адбудзецца ў нядзелю 26 жніўня 2018 года ў 12 гадзін апоўдні ў беларускім цэнтры пры са боры Сьв. Кірылы Тураўскага па адрасе 401 Atlantic Ave, Brooklyn, NY, 11217. Вашай увазе будзе прапанаваны даклад Зянона Пазьняка пра падзеі жніўня 1991 года, а таксама дэманстрацыя фільму Радыё Свабода “Незалежнасьць”. Чакаем вас! Да сустрэчы! Жыве Беларусь!