Бруклінскі аддзел БАЗА ласкава запрашае беларусаў адсьвяткаваць Новы год разам! Мы запрашаем вас, вашых сяброў і блізкіх прыняць удзел у супольнай вечарыне, а таксама далучыцца да яе арганізацыі, калі ў вас ёсьць цікавыя ідэі ці жаданьне паўдзельнічаць. Навагодняя вечарына адбудзецца ў грамадзкай зале Сабора Сьвятога Кірылы Тураўскага ў ноч з 31-га сьнежня на 1-е студзеня. Мы дапаможам ва ўсіх арганізацыйных пытаньнях, ад вас …
Шаноўныя сябры! Парафіяльная рада Сабору Сьв. Кірылы Тураўскага БАПЦ сумесна з Нью Ёркскім аддзелам БАЗА віншуюць вас з надыходзячымі сьвятамі Новага года і Раства і сардэчна запрашаюць вас адсьвяткаваць Каляды разам! Калядная Ялінка адбудзецца 13 студзеня а 12 гадзіне апоўдні ў саборы Сьв. Кірылы Тураўскага па адрасе 401 Atlantic Ave., Brooklyn, 11217. У гэтым годзе нашае каляднае сьвяткаваньне ізноў пройдзе з удзелам самага вядомага і таленавітага калядоўшчыка, Сержука Доўгушава! Вас чакае праграма са сьвяточнай вячэрай, каляднымі песьнямі, танцамі, гульнямі і Сьвяты Мікалай з падарункамі для ўсіх дзетак! Акрамя таго моладзь БАЗА сумесна з парафіянамі саботу Сьв. Кірылы Тураўскага рыхтуюць прыемную неспадзеўку для гасьцей, пра якую мы паведамім трошкі пазьней. Паважаныя бацькі, калі ласка, адкажыце на запрашэньне да 6-ага студзеня і паведаміце аб тым, што вы прыйдзеце і колькі дзетак вы з сабой прывядзеце. Напішыце, адказ на электронную пошту bazany1949@gmail.com. Гэта неабходна для таго, каб усе дзеткі атрымалі падарункі ад Сьвятога Мікалая! Па традыцыі дзеткі могуць падрыхтаваць верш, танец ці песьню для калядаваньня. Бацькі, зрабіце незабыўнае сьвята дзеля сваіх дзетак! Сьвяткуйма Каляды разам! Дзеткам уваход вольны, дарослым – 25 даляраў.
2 сьнежня 2018 года беларусы Нью Ёрку адсьвяткавалі 98-ыя ўгодкі Слуцкага Збройнага Чыну. Імпрэза адбылася ў беларускім цэнтры пры саборы сьв. Кірылы Тураўскага ў Брукліне і была зарганізавана Бруклінскім аддзелам Беларуска-Амэрыканскага Задзіночаньня. Сьвяткаваньне пачалося з малебну ў памяць Слуцкіх герояў. Сьвяточную імпрэзу адчыніў старшыня Бруклінскага аддзелу БАЗА, Сяргей Кудзеліч, які выказаў словы ўдзячнасьці героям-случчакам за іх сьмелы і самаахвярны подзьвіг Потым было зачытана віншаваньне Старшыні Рады БНР Івонкі Сурвіллы. У асноўнай частцы імпрэзы быў даклад “Слуцкі Збройны Чын. Як гэта было”, які зачытала сяброўка Бруклінскага аддзелу, Тацьцяна Бурак. Пасьля чаго прысутныя праглядзелі ўрывак з фільма “На чорных лядах”. На сьвяточную імпрэзу завітаў госьць з Беларусі, беларускі гісторык, доктар гістарычных навук, прафесар, Алесь Смалянчук, які знаходзіўся ў Нью Ёрку дзеля прэзентацыі сваёй кнігі. Спадар Алесь падзяліўся з прысутнымі цікавосткамі са сваіх асабістых дасьледваньняў, якія мелі дачыньне да Слуцкага Збройнага Чыну, а таксама распавеў пра сваю новую кнігу «Раман Скірмунт (1868–1939). Жыцьцяпіс грамадзяніна Краю». У працяг гэтай мэмарыяльнай і культурна-асьветніцкай імпрэзы адбылася прэзэнтацыя двух апошніх кніг Зянона Пазьняка, выдадзеных у кастрычніку-лістападзе гэтага года — “Краявід перад нізінай” і “Цяжкі час, т.4”. Абедзьве кнігі з’яўляюцца публіцыстычнымі творамі. Кніга “Краявід перад нізінай” прысьвечаная асьвятленьню асноўных чыньнікаў разьвіцьця чалавечай цывілізацыі і небясьпечных зьяваў у гэтым працэсе. “Цяжкі час, т.4” складаецца з выбраных артыкулаў і матэрыялаў спадара Зянона, якія даюць праекцыю на падзеі і зьмест 2011-2015 гадоў з пазыцыі нацыянальнага супрацьдзеяньня і змаганьня за Беларусь.
Дарагія суродзічы! Віншуем вас з 98–мі ўгодкамі Слуцкага збройнага чыну! Выказваем падзяку нашым слаўным случчакам за іх сьмелы і самаахвярны подзьвіг! З адлегласьці амаль ста гадоў мы, нашчадкі, бачым, што дзякуючы адданасьці случчакоў Бацькаўшчыне, іх веры ў беларускі народ і нязломнай волі, беларусы таго часу здолелі пасеяць такое зерне беларускай дзяржаўнасьці, якое не змаглі знішчыць ніякія гістарычныя нягоды, і з якога паўстала незалежная Беларусь! Запрашаем усіх беларусаў разам ушанаваць памяць герояў Слуцкага Збройнага чыну! Далучайцеся да сьвяточнай імпрэзы, якая адбудзецца 2 сьнежня ў 12:30 гадзін апоўдні ў беларускім цэнтры пры саборы Сьв. Кірылы Тураўскага па адрасе 401 Atlantic Ave, Brooklyn, NY, 11217. У працяг гэтай мэмарыяльнай і культурна-асьветніцкай імпрэзы адбудзецца прэзэнтацыя двух апошніх кніг Зянона Пазьняка, выдадзеных у кастрычніку-лістападзе гэтага года — “Краявід перад нізінай” і “Цяжкі час, т.4”. Дата; 12.02.2018. Пачатак у 12.30. Даезд мэтро цягнікамі Q, B, D, N. Прыпынак “Атлантык эвэню” альбо “дэКалб”.
Шаноўныя сябры! Віншуем вас з Днём Падзякі! Зычым вам сямейнага дабрабыту, суладзьдзя навокал і ў вашай душы! Дзякуем вам за вашу падтрымку! Спадзяемся, што вы прыемна правялі гэты дзень ў коле вашых родзічаў. Запрашаем вас …
Шаноўнае спадарства! 28 кастрычніка 2018 года адбыўся чарговы гадавы справаздачна-выбарчы сход Бруклінскага аддзела БАЗА. Калі ласка, вітайце новага старшыню аддзела, якім быў абраны Сяргей Кудзеліч, і новую управу аддзела на наступны 2018-2019 год у складзе: …
23 верасьня 2018 года адбылося традыцыйнае сьвята на Атлантык Авеню – “Atlantic Antic”. Як і кожны год, удзел у свяце прыняла і наша Беларуская Царква пры падтрымцы актывістаў Беларуска-Амэрыканскага Задзіночаньня. Дзякуй вялікі ўсім, хто падрыхтаваў …
Паважаныя сябры! 30 верасьня ў грамадскай залі Беларускага катэдральнага Сабору сьв. Кірылы Тураўскага (401 Atlantic Ave, Brooklyn, NY, 11217) адбудзецца лекцыя Галіны Пазьняк “УЛАДЗІМЕР МУЛЯВІН – БЕЛАРУСКІ ГЕНІЙ, ЯКІ АПЯРЭДЗІЎ СВОЙ ЧАС”. Стваральнік і кіраўнік …
1-2 верасьня ў беларускім цэнтры ў Нью Ёрку адбылася 33-я Сустрэча беларусаў Паўночнай Амэрыкі, якая была зарганізавана Беларуска-Амэрыканскім Задзіночаньнем (БАЗА). Сустрэча сабрала беларусаў з розных куткоў ЗША, як то Нью Ёрк, Нью Джэрсі, Філадэльфія, Маямі, …
Запрашаем вас 3 верасьня 2018 года ў 5 гадзін вечара на сустрэчу з вядомым журналістам, паэтам, блогерам, заснавальнікам “Мова нанова”, вядоўцам аднайменнай праграмы на Белсаце, ініцыятарам збору сродкаў на першы помнік Тадэвушу Касьцюшку, аўтарам папулярных кніг па вывучэньню беларускай мовы, а …
Дарагія суродзічы! Віншуем вас і нашую Бацькаўшчыну з Днём Аднаўленьня Незалежнасьці! 25 жніўня 1991 года Дэклярацыі Незалежнасьці Беларусі быў нададзены статус канстытуцыйнага закону – Беларусь нарэшце зноў стала незалежнай краінай. Зычым усім беларусам і нашай любімай Бацькаўшчыне праўдзівай свабоды. Будзе свабода – будзе адказнасьць, тады і багацьце, і шчасьце, усе прыкладзецца. Запрашаем вас на імпрэзу прысьвечаную 27 угодкам Аднаўленьня Незалежнасьці Беларусі, якая адбудзецца ў нядзелю 26 жніўня 2018 года ў 12 гадзін апоўдні ў беларускім цэнтры пры са боры Сьв. Кірылы Тураўскага па адрасе 401 Atlantic Ave, Brooklyn, NY, 11217. Вашай увазе будзе прапанаваны даклад Зянона Пазьняка пра падзеі жніўня 1991 года, а таксама дэманстрацыя фільму Радыё Свабода “Незалежнасьць”. Чакаем вас! Да сустрэчы! Жыве Беларусь!
Паважаныя сябры! Запрашаем вас на сустрэчу з беларуска-польскім гісторыкам, выкладчыкам Варшаўскага універсітэту,Юрыем Грыбоўскім. Спадар Юры спецыялізуецца ў вайсковай гісторыі Беларусі і Польшчы XX стагоддзя, у прыватнасьці – удзелам беларусаў у польскай арміі генэрала Ўладыслава Андэрса. …
Паважаныя сябры! На чарговым Кангрэсе Беларуска-Амэрыканскага Задзіночаньня, які адбыўся 14 кастрычніка 2017 года, былі прынятыя зьмены ў Статут БАЗА. Статут БАЗА – Вышэйшы Закон нашай арганізацыі. Вышэй за Статут БАЗА толькі Амэрыканскі Закон. Кіруючыся Законамі БАЗА, …
29 ліпеня, беларусы Нью Ёрку адсьвяткавалі 28-ыя ўгодкі прыняцьця Дэклярацыі аб суверэнітэце Беларусі. Імпрэза прайшла ў беларускім цэнтры пры саборы сьв. Кірылы Тураўскага і была загранізавана Бруклінскім аддзелам Беларуска-Амэрыканскага Задзіночаньня. Адпачатку імпрэзы Натальля Федарэнка распавяла …
2018 год дзеля беларусаў замежжа асабліва багаты на сьвяты і падзеі: набліжаецца час чарговай 33-й Сустрэчы беларусаў Паўночнай Амэрыкі і сёлета гонар ладзіць мерапрыемства выпаў Беларуска-Амэрыканскаму Задзіночаньню. Галоўная управа Беларуска-Амэрыканскага Задзіночаньня запрашае ўсіх беларусаў на …
Copyright © 2017 Беларуска-амерыканскае задзіночаньне